يــــــــــــــــــــــــــــــأس

حالة يــــــــــــــــــــأس منقطعة النظير
فقدت الأمل في كل حاجه
وخلاص مبقتش عايزة حاجه
زهقت من الندم و من كتر القرارات الغلط
زهقت من الناس كلهم بلا استثناء
عايزة اروح مكان فاضي منغير حد
زمان كنت بقول عايزة اخد صحابي وكل اللى بحبهم معايا
دلوقتي خلاص مش قادرة حتى اشوف نفسي
حتى زهقت من نفسي ومن ردود افعالي
زهقت سيبوني في حالى شوية
ادوني اجازة منكم شوية
نفسي ابص في المرايا اشوف حد تاني غيري
بجد حد غيــــــــــــــــــــــــــــــــــــــري
تعــــــــــــــــــــــــــــــــــــــــــــــــــــــــــــــــــــــــــــــبت
يا بشــــــــــــــــــــــــــــــــــــر
بشر؟؟؟
هو اصلا لسه في بشر موجودين على سطح الأرض عشان يسمعوني؟؟؟
بعتير نفسي بكلم الفضاء الخارجي هنا عالمدونة
يمكن عشان محدش بيرد عليا مش عارفه
نفسي اجيب حد من المريخ اتكلم معاه يمكن يفهمني؟؟؟؟

بكره الامتحانااااااااااااااااات
ولقب دكتورة اللى بنتعذب بسببه
وبكرة الضغط العصبي ده
انا ايه دخلني الكلية دي بس
يارتني ما ذاكرت في ثانوية عامة
فضلوا يقولولي اتعبي سنتين و ارتاحي بقية عمرك
ضحكوا عليا وانا هبلة
:'(

نفسي اسافر بعيد اوى...اجرى واجرى واجري
نفسي اروح بحر واتمدد كده قدامه
نفسي اكون لوحدي عالبحر
اشم هوا البحر ويدخل جوايا
عشان يغسل همومي ويفرحني
عايزة اروح البحر اوى
اخد نفس عميق وارجع
محتاجه اهرب من الضغط ده اوى
عايزة اهرب من الناس كلها
حتى من نفسي
ممكن؟

السؤال هو ليه؟؟
ليه بنفتكر اننا نسينا احداث وحشه اوى...ونيجي في ثانية نفتكرهم كلهم
ليه الناس بكل سهولة تقولك كلام يفتح جروح قديمة
جراح تعبت جداااا عشان تقفلها وتنساها
قصي تتناساه...لان للاسف مفيش حاجه بتتنسى مهما ضحكنا على نفسنا وقلنا اننا نسينا
يفتحوا الجراح و ترجع تنزف تانى...كان دمك مالوش تمن
ويسيبوك تنزف قدامهم
ومستنين الجرح يلم لوحده......عشان دمك ميدايقهمش لو حاولوا يعالجوه
واصلا يحاولوا يعالجوا الجرح ليه؟؟
لما هم اللى عملوه؟؟
ماشي مش هم بس اللى غلطانين...انا كمان غلطانه زيي زيهم
وغلطانه اوي كمان...عارفين ليه؟؟...عشان ادتلهم فرصه انهم يجرحوني اصلا
انى اسمح لحد يقرب منى و يجيب سكينة ويجرحنى بيها...تبقى غلطتي انا طبعا
مش مهم هم يجرحوني...مش زعلانه منهم
لان دي طبيعة البشر يجرحوا بعض
ومحدش على وجه الارض ملاك
انا زعلان من حد واحد بس
حد بشوفه طول اليوم.......حد قدامي في المراية
كل ما ابصله اتدايق اكتر انه سمح لحد يجرحه واداله بايديه سكينة يغرسها فيه
حد مهما حصل ومهما اتخانقت مع اى حد من اهل البشر مش هتخانق معاه
حد مهما حاولت مشوفوش لازم هشوفه
الحد ده هو أنــــــا
زعلان من نفسي جداااااااااااااا
انا السبب في كل الى حصل....انا الى ادتلهم السكينة التلمة
متولمش حد... ومتتكلمش....متزعلش غير من نفسك

سمعت كلام مكنتش احب اسمعه........للاسف الكلام فكرني بحاجات كتير سلبية كنت نسيتها او يمكن تناسيتها
جميل اننا ننسى حاجات سلبية كانها محصلتش بس نكون نسيناها فعلا........مش تصحى وقت اللزوم
مش عايزة اقول انى مصدومة.........بس مش هكدب واقول انى مش زعلانه لا انا زعلانه اوى بجد
بس يمكن مش عايزة الحزن يدخلي تانى ويعشش جوايا......بس هو الموضوع كبيرلوحده اعمله ايه؟؟

المرادى عايزة اتكلم انا...هتكلم بشخصيتي انا مش هحط نفسي في موقف واعبر عنه ومش هحط نفسي مكان حد واتكلم......
لا انا عايزة اتكلم بقى.....

النهارده يوم مختلف....النهارده يوم جمييييييييييل.....

رجعت لنفسي اخيرا...لقيتها تانى....
لقيت تانى الشخصية اللى بحبها......
لقيتها لقيتها.....
ومش عايزاها تضيع تانى.....
مش هسيبها تانى تضيع مني بقى.....
مش هعمل حاجه تانى تزعلها منى وتخليها تبعد تانى....
مش هعمل حاجه تانى تبعدني عن نفسي وتخليها تلومني.....
وعشان متستغربوش كتير....
انا رحت رساله النهارده...
مكان بحبه مع ناس قريبه منى اوى....
فرحانه ان ربنا جمعنا على خير.....
ربنا جمعنا على طاعته......
يارب دايما يجمعنا على كل خير ويرضى عننا ويكتبلنا اللى فيه الخير...
ويدوم الصحبة الصالحه علينا يارب.....
يارب انا بلوم نفسي اوى على ذنوب كتيييييييييرة عملتها...
.اللهم لا تجعل انشغالي بالدنيا يلهيني عن طاعتك و عن عباداتك وعن رضاك........
اللهم لا تجعل الدنيا اكبر همنا ولا مبلغ علمنا ......

ستنساني

ستنساني يوما ما....
تنسى ابتسامتي....
تنسى نظرة عيني....
تنسى همساتي وكلماتي....
أكره الاعتياد والتأقلم الذى سجعلك تنساني.....
سيأتي يوم تستيقظ فلا تجدني.....
لن تراني سوا في احلامك.....
ثم تنساني احلامك ايضا.....

حبيبتى .. تغيرنا .. لـ فاروق جويدة

تغير .. كل ما فينا تغيرنا

تغير .. لون بشــرتنا

تساقط .. زهر .. روضتنا

تهاوى .. سحر .. ماضينا

تغير كل ما فينا...تغيرنا

-

زمان كان يسعدنا ...نراه الآن يشقينا

وحب عاش في دمنا ... تسرب بين أيدينا

وشوق كان يحملنا ... فتسكرت أمانينا

ولحن كان يبعثنا ...إذا ماتت أغانينا تغيرنا

تغيرنا ....تغير كل ما فينا

-

وأعجب من حكايتنا ...تكسر نبضها فينا

كهوف الصمت تجمعنا ...دروب الخوف تلقينا

وصرتِ حبيبتي طيفا لشيئ ... كان في صدري

قضينا العمر يفرحنا ....وعشنا العمر يبكينا


غدونا بعده موتى ..فمن يا قلب يحيينا ؟؟

تغيرت...نعم تغيرت...لم أعد استطع انكار ذلك...
ثمة شيئا غريبا في عينيك...خوف...رهبة....شك....فتور...
ربنا انطفأ بريق عينيك اللامعتين........
لم يعودوا يومضوا حينما تراني.......
توعدينني انك ستعودين كما كنت....
أستقدرين؟؟؟
ام ستدعينني اتذوق مرارة الألم........
أم سأعيش على ذكرى نظرات كنت اراها في عينيك يوما ما.......
أحتاجك بجوارى لكي انسى ما حدث لكنك الآن تعمق آثار ما حدث في اعماق نفسي......
أريد ان انسى كل شىء ونبدأ من جديد....
دعنا نعتبر كلانا الاخر حديث الولادة.......فقط نحمل نفس الاسماء التى حملناها من قبل........
دعنا نحاول مرة ثانية...سنحاول من اجل شىء سامي لا يقبل الاستسلام ولا الخنوع ولا الخضوع....
هيا لنحاول ...ربما ننجح....
لا ليست ربما....
بل سننجح.......
ان شاء الله.....

ربما كانت النهاية

أنا سعيد..او ظننت نفسي كذلك...لم اكن اعرف انني قمت باضافة جرح آخر الى قلبي
ظننت ان الامي واحزاني انتهت منذ زمن بعيد..ظننت ان الجراح قد تداوت بالزمن
ظننت ان الحياة ابتسمت اخيرا لي...ظننت ان السعادة عرفت طريقها الى
ولكنني كنت غبي

نعم غبى...غبي من ظن ان الحياة تعطي كل شىء لشخص ولن تحرمه من هذه الاشياء
غبي من يعتقد ان الحياة تبتستم وتجعلك سعيدا ولن تتبع السعادة بجرح
غبي من يعتقد ان الجراح ضمدت وصارت نسيجا عاديا
غبي من يجعل سعادته في وجود اشخاص بجانبه وينسى ان الدنيا بامكانها ان تخطفهم في اى وقت....غبي من يعتقد ان الحياة ستتركه سعيدا
لهذا انا غبي
واكره ان اكون غبيا
لا أحب ان اتعلق بالاشياء فهي زائلة
لا احب ان اتعلق بالاشخاص فهم زائلون
ها أنا سأعود الى صومعتي مرة ثانية
ليتني لم اتركها يوما ما
لقد ظننت ان الحياة ابتسمت لي
سأعود مرة أخرى للخوف والقلق وغياب الطمأنينة
سأعود الى الوحده مرة ثانية فهي أهون من ان يجرحك اقرب الناس اليك
سأعود الى قلعتي الحصينة مرة ثانية
لعلي اعود الى نفسي مرة ثانية
ليتني لم ابرح قلعتي الحصينة
ليتني
ليتني
اكره البشر
نعم.....اكرهم
واكره العالم الساكن خارج قلعتي
لن اترك احد يقتحم قلعتي مرة أخرى
واذا رأيت اى شخص حول القلعه سأقوم بضربه بالرصاص
سأوجه الرصاص الى قلبه لعله يشعر بما اشعر الآن
ليتني لم ابرح قلعتي
ليتني لم اترك شعور الخوف
اكره ذاتي
نعم اكرهها
اكرهها لانها جرحتني واتخذت قرارات غبية
اخبروني كيف سأحب أحد اذا كرهت نفسي؟؟

خلاص خدت قراري
مسافر واتمنى مرجعش تانى
خلاص رايح مكان محدش عارف اني رايح هناك
همشي منغير حتى ما اودع حد
همشي منغير ما اقول سلام
طول عمرى بكره كلمات الوداع
بس هي الى بتحبني
كان نفسي اقول لناس سلام اوى
بس حتى دي الزمن استكترها عليا
همشي وحاسس انى سايب نفسي هنا
جسمي بس الى هيسافر
متقلقوش عليا للاسف انا لسه كويس
لو دورتوا عليا هتلاقوني في خيالكم
وداع

لا أدرى ماذا اقول
بداخلى العديد من الكلام لكنني لا اتكلم
اشعر ان الكلمات تتصاعد بداخلي ثم تختنق
يرتعش كل جسدي وترتعش يداى حتى أنني لا استطيع الامساك بالقلم
احاول ان امسكه مجددا حتى اكتب اى شىء لعله يريحني
ظللت ممسكه بالقلم ....و يتدفق الكلام بداخلي لكنه لا يريد الخروج
أحبطت كل محاولاتي للحديث
اذا انا اعذب نفسي عذابا آخر فوق عذابي
عذاب الظلم وعذاب الكتمان
هذه هى أنا ...دوما ما تعذب نفسي
أم هي نفسي التي تعذبني انا دوما؟؟
لا أعلم ولا أريد ان أعلم اى شىء في هذه الحياة
سئمتها وكرهتها
بجمالها بقبيحها.... أكرهها
تركت مكتبي وكنت لا استطيع المشي
لكنني استندت على حافة السرير
لا تستطيع قدمي ان تحملني
اعلنت العصيان التام
اعلنتها صريحه قائلة لن أأخذك الى أية مكان
تثاقلت خطواتي ..... تباطئت ضربات قلبي
اهتز المشهد برمته أمامي
ولم أدرى بنفسي الا وأنا منبطحة على أرضية غرفتي
أمتّ ؟؟ ام هى اغماءة بسيطه؟؟
لا ادرى ظللت اتحدث بما لم استطع ان اقوله منذ قليل بارادتي
لماذا أنا؟؟ لماذا الآن؟؟ لماذا يحدث هذا؟؟
ظللت اتسائل اسئله لم اجد لها اجابه ولن أفعل يوما ما
حاولت النهوض...فلم استطع
حاولت الصراخ ..فلم يخرج صوتي
ظللت مستلقية ..شعرت اننى في انتظار ضيف ثقيل اعلم انه سيأتي يوما ما
ولكنني أحتاجه الآن بشده
لماذا لا يأتي في الاوقات التي نريده فيها؟؟
لماذا لا يأتي فيأخذ ارواحنا فريحنا من عذابنا
انتفضت من الافكار السيئة واستعذت بالله واستغفرته
ودعوته الا يتركني لأفكارى السيئة ولا يتركني استسلم لوساوس الشيطان القميئة
التي دائما تتسلل الينا ونحن في اضعف حالاتنا
وانا اعترف
"انا في اضعف حالاتي الآن"

عايز اعمل حاجات كتييير اوى بس مش عارف
احساس غبي حاسس انه هيخليني انفجر
احساس بالعجز ....احساس بالضعف
مش عارف اعمل ايه
لما تبقى عايز تعمل حاجات كتير ومش عارف
صعب اوى لما تحس ان حد منتظر منك رد فعل معين
وانت مش عارف تعمله
مش لانك متقدرش لا .... لانه مينفعش!!
حاسس اني مستصغر نفسي
طول عمرى مبحبش احساس الضعف وان ما باليلد حيلة
بس هعمل ايه يعني ؟
للأسف فعلا ما باليد حيلة!!

عودة

ياااااااااه
بقالى كتييييييييييييييير اوى مكتبتش عالمدونة
وحشتني اوى المدونة
حصل حاجات كتييييييييييير اوى مكتبتش عنها
و نفسي اكتب حاجات كتييييييييييييرة اوى
ان شاء الله تكون دي عودة للمدونة ومفيش انقطاع تانى
بجد وحشني المكان ده اوى
:)

انا العبد ..مشارى راشد

أنا العبد

انا العبد الذى كسب الذنوب
وصدته الأمانى أن يتوب
أنا العبد الذى أضحى حزينا
على زلاته قلقا كئيبا
أنا العبد الذى سطرت عليه
صحائف لم يخف بها الرقيب
أنا العبد المسىء عصيت سرا
فما لى الأن لا أبدى النحيبا
أنا العبد الذى كسب الذنوب
وصدته الأمانى أن يتوب
أنا العبد الذى أضحى حزينا
على زلاته قلقا كئيبا
أنا العبد المفنط ضاع عمرى
فلم أر الشبيبة والمشيبا
أنا العبد الغريق بلج بحر
أصيح لربما ألقى مجيبا
انا العبد الذى كسب الذنوب
وصدته الامانى أن يتوب
أنا العبد الذى أضحى حزينا
على زلاته قلقا كئيبا
أنا العبد السقيم من الخطايا
وقد أقبلت ألتمس الطبيبا
أنا العبد الشريد ظلمت نفسى
وقد وفيت بابكمُ منيبا
انا العبد الذى كسب الذنوب
وصدته الأمانى أن يتوب
أنا العبد الذى أضحى حزينا
على زلاته قلقا كئيبا

6 ابريل .... يوم الغضب

قصيدة اغضب...... فاروق جويدة

اغضب فإن الله لم يخلق شعوباً تستكين
اغضب فإن الأرض تـُحنى رأسها للغاضبين
اغضب ستلقىَ الأرض بركاناً ويغدو صوتك الدامي نشيد المُتعبين
اغضب
فالأرض تحزن حين ترتجف النسور
ويحتويها الخوف والحزن الدفين
الأرض تحزن حين يسترخى الرجال
مع النهاية .. عاجزين
اغضب
فإن العار يسكـُنـُنا
ويسرق من عيون الناس .. لون الفرح
يقتـُل في جوانحنا الحنين
ارفض زمان العهر
والمجد المدنس تحت أقدام الطغاة المعتدين
اغضب
فإنك إن ركعت اليوم
سوف تظل تركع بعد آلاف السنين
اغضب

فإن الناس حولك نائمون
وكاذبون
وعاهرون
ومنتشون بسكرة العجز المهين
اغضب
إذا صليت .. أو عانقت كعبتك الشريفة .. مثل كُل المؤمنين
اغضب
فإن الله لا يرضى الهوان لأمةٍ
كانت - وربُ الناسِ- خير العالمين
فالله لم يخلق شعوباً تستكين
اغضب
إذا لاحت أمامك
صورة الكهان يبتسمون
والدنيا خرابٌ والمدى وطنٌ حزين
ابصـُق على الشاشات
إن لاحت أمامك صورة المُتـنطعين
اغضب
إذا لملمت وجهك بين أشلاء الشظايا
وانتزعت الحلم كي يبقى على وجه الرجال الصامدين
اغضب
إذا ارتعدت عيونك
والدماء السود تجرى في مآقي الجائعين



إذا لاحت أمامك أمة مقهورة خرجت من التاريخ
باعت كل شئٍ
كل أرضٍ
كل عِرضٍ
كل دين
ولا تترُك رُفاتك جيفةً سوداء كفنها عويل مُودعِـين
اجعل من الجسد النحيل قذيفة ترتج أركان الضلال
ويُـشرق الحق المبين
اغضب
ولا تُسمع احد
فإنك إن تركت الأرض عارية
يُـضاجعها المقامر .. والمخنث .. والعميل
سترى زمان العُـهر يغتصب الصغار ويـُـفسد الأجيال
جيلا ً.. بعد جيل
وترى النهاية أمة . مغلوبة . مابين ليل البطش . والقهر الطويل
ابصق على وجه الرجال فقد تراخى عزمُهم
واستبدلوا عز الشعوب بوصمة العجز الذليل
كيف استباح الشرُ أرضك ؟
واستباح العُهر عرضك ؟
واستباح الذئبُ قبرك ؟
واستباحك فى الورى
ظلمُ الطـُغاةِ الطامعين ؟؟؟
اغضب
إذا شاهدت كـُهَّان العروبة كل محتال تـَخـفـَّى في نفق
ورأيت عاصمة الرشيد رماد ماضٍ يحترق

وتزاحم الكـُهَّان فى الشاشات تجمعهم سيوف من ورق
اغضب
كـَـكـُـلِّ السَّاخطين
اغضب
فإن مدائن الموتى تـَضجُّ الآن بالأحياء .. ماتوا
عندما سقطت خيول الحـُـلم وانسحقت أمام المعتدين
إذا لاحت أمامك صورة الأطفال في بغداد
ماتوا جائعين
فالأرض لا تنسى صهيل خيولها
حتى ولو غابت سنين
الأرض تـُـنكر كـُـلَّ فرع عاجز
تـُـلقيهِ في صمت تـُـكـفـِّـنـُـه الرياح بلا دموعٍ أو أنين
الأرض تكره كل قلبٍ جاحدٍ
وتحب عـُـشاق الحياة
وكل عزمٍ لا يلين
فالأرض تركع تحت أقدام الشهيد وتنحني
وتـُـقبِّـل الدم الجسور وقد تساقط كالندى
وتسابق الضوءان
ضوء القبر .. في ضوء الجبين
وغداً يكون لنا الخلاص
يكون نصر الله بـُشرى المؤمنين
اغضب
فإن جحافل الشر القديم تـُـطل من خلف السنين
اغضب
ولا تسمع سماسرة الشعوب وباعة الأوهام .. والمتآمركين
اغضب
فإن بداية الأشياء .. أولها الغضب
ونهاية الأشياء .. آخرها الغضب
والأرض أولى بالغضب
سافرت في كل العصور
وما رأيت .. سوى العجب
شاهدت أقدار الشعوب سيوف عارٍ من خشب
ورأيت حربا بالكلام .. وبالأغاني .. والخـُطب
ورأيت من سرق الشعوب .. ومن تواطأ .. من نهب
ورأيت من باع الضمير .. ومن تآمر .. أو هرب
ورأيت كـُهانا بنوا أمجادهم بين العمالة والكذب
ورأيت من جعلوا الخيانة قـُدس أقداسِ العرب
ورأيت تيجان الصفيح تفوق تيجان الذهب
ورأيت نور محمد يخبو أمام أبى لهب
فاغضب فإن الأرض يـُحييها الغضب
اغضب
ولا تُسمع أحد
قالوا بأن الأرض شاخت .. أجدبت
منذ استراح العجز في أحشائها .. نامت ولم تُنجب ولد
قالوا بأن الله خاصمها
وأن رجالها خانوا الأمانة
واستباحوا كل عهد
الأرض تحمل .. فاتركوها الآن غاضبة
ففي أحشائها .. سُخط تجاوز كل حد
تـُخفى آساها عن عيون الناس تـُنكر عجزها
لا تأمنن لسخط بركان خمد لو أجهضوها ألف عامٍ

سوف يولد من ثراها كل يومٍ ألف غد
اغضب
ولا تُسمع أحد
أ سمع أنين الأرض حين تضم في أحشائها عطر الجسد
أ سمع ضميرك حين يطويك الظلام .. وكل شئ في الجوانح قد همد
والنائمون على العروش فحيح طاغوت تجبّر .. واستبد
لم يبق غير الموت
إما أن تموت فداء أرضك
أو تـُباع لأي وغد
مت في ثراها
إن للأوطان سراً ليس يعرفه أحد

هييييييييييييييييه

منى جابت امتياز..........ياترى مين وراها؟؟؟

تأجيل......

هتتأجل كتابة بوست "حالة سعاده" شويه نظرا لانى مستنية النتيجه بقالى كام يوم
والقلق مخليني مش عارفه اكتب خالــــــــــــــــــــــــــــــــص
دعواتكم يا جماعه
النتيجه عالفجر كمان كام ساعه او بكرة ان شاء الله
يــــــــــــــــــــــــــــــــــــارب
بالله عليكم متنسوش تدعولى

الى لافندر .......

لافندر هانم بتقولى في الكلية ان المدونة شكلها مش هيبقى فيها حاجات مفرحه
انا ملحقتش ارد عليها عشان كنا احنا الاتنين مستعجلين زى اى اتنين في كلية صيدلة عين شمس الحبيبه
عموما انا هرد عليكي هنا
المشكله انى لما بكون مبسوطه مبعرفش اكتب اى حاجه
بكتب بس وانا متدايقه معرفش ليه!!!
يمكن عشان اخرج زعلى على الورق هنا في المدونه
وطبعا زى مانتى عارفه ده عكس الى بعمله عالفورم انى بمتنع عن الكلام وانا زعلانه عشان ميبقاش دمي تقيل ولا اكون رخمه , ولا اقعد اقول انى زعلانه وكده
عموما يا ستى بما انى النهارده مبسوطه ومزاجى عالى وكنت واقفه ادندن وانا شغاله في لاب الاناليتيكال انتى عارفه دي مادتى المفضله دوما وابدا
فانا بعلنها على الملأ هحاول اكتب حاجه مفرحه وابقى احطها وهتبقى دي تجربتي الاولى
واما نشوف يا ستى نتيجتها هتكون ايه
......

مرض العصر.....

عندنا بحث في الكوجنوزى
وللى مش عارفين يعني ايه كوجنوزى؟؟
اقولكم
دي ماده بتتكلم عن النباتات الى بنستخلص منها ادوية
من الآخر يعنى عقاقير طبية
قدمنا البحث بتاعنا الاسبوع الى فات وبحثنا ده قصه لوحدها في بوست تانى
لكن الاهم بقى ملاحظة انا لاحظتها و لفتت انتباهى جدا
ايه هي الملاحظة؟؟
معظم الابحاث الى اتقدمت او بمعنى ادق معظم النباتات الى زمايلي اتكلموا عنها فيها مواد مضادة للسرطان او بتشفى من السرطان
سبحان الله بجد
ان ربنا عز وجل يكون خالقلنا نباتات فيها حاجات طبيعية بتمنع و بتشفى من المرض الى لحد دلوقتى مالوش علاج واضح
الابحاث الى انا حضرت مناقشتها معظمها ده لو مكنش كلها كان فيهم مواد مضادة للسرطان
ودي كانت الملحوظة
ازاى المرض ده بقى منتشر اوى كده بالرغم ان كل الحاجات الطبيعية دي بتمنع السرطان معظم النباتات دي كلنا بناكلها طبعا واحنا مش عارفين اهميتها
امال الناس بيجلها سرطان ازاى ؟؟
مش عارفه
مرض غريب و بشع و أكيد ابشع ما فيه نفسية المريض الى بيكون حاسس انه احتمال كبير يموت
حاجه من اتنين يا اما هيحاول يستمتع بحياته وايامه الى باقيه ويحارب المرض يا اما هيكتئب ويستسلم للمرض
والاتنين الاصعب من بعض الاول صعب لان مش اى حد يقدر يعمله والتانى صعب على الشخص نفسه وعلى الى حواليه كلهم
الموضوع ده كبير وهبقى استفيض فيه في مرات كتير تانيه
لانى كاتبه كذا حاجه عن المرض ده هبقى اكتبهم قريب ان شاء الله
يارب يعافى الناس كلهم من المرض ده و يشفيهم