هييييييييييييييييه

منى جابت امتياز..........ياترى مين وراها؟؟؟

تأجيل......

هتتأجل كتابة بوست "حالة سعاده" شويه نظرا لانى مستنية النتيجه بقالى كام يوم
والقلق مخليني مش عارفه اكتب خالــــــــــــــــــــــــــــــــص
دعواتكم يا جماعه
النتيجه عالفجر كمان كام ساعه او بكرة ان شاء الله
يــــــــــــــــــــــــــــــــــــارب
بالله عليكم متنسوش تدعولى

الى لافندر .......

لافندر هانم بتقولى في الكلية ان المدونة شكلها مش هيبقى فيها حاجات مفرحه
انا ملحقتش ارد عليها عشان كنا احنا الاتنين مستعجلين زى اى اتنين في كلية صيدلة عين شمس الحبيبه
عموما انا هرد عليكي هنا
المشكله انى لما بكون مبسوطه مبعرفش اكتب اى حاجه
بكتب بس وانا متدايقه معرفش ليه!!!
يمكن عشان اخرج زعلى على الورق هنا في المدونه
وطبعا زى مانتى عارفه ده عكس الى بعمله عالفورم انى بمتنع عن الكلام وانا زعلانه عشان ميبقاش دمي تقيل ولا اكون رخمه , ولا اقعد اقول انى زعلانه وكده
عموما يا ستى بما انى النهارده مبسوطه ومزاجى عالى وكنت واقفه ادندن وانا شغاله في لاب الاناليتيكال انتى عارفه دي مادتى المفضله دوما وابدا
فانا بعلنها على الملأ هحاول اكتب حاجه مفرحه وابقى احطها وهتبقى دي تجربتي الاولى
واما نشوف يا ستى نتيجتها هتكون ايه
......

مرض العصر.....

عندنا بحث في الكوجنوزى
وللى مش عارفين يعني ايه كوجنوزى؟؟
اقولكم
دي ماده بتتكلم عن النباتات الى بنستخلص منها ادوية
من الآخر يعنى عقاقير طبية
قدمنا البحث بتاعنا الاسبوع الى فات وبحثنا ده قصه لوحدها في بوست تانى
لكن الاهم بقى ملاحظة انا لاحظتها و لفتت انتباهى جدا
ايه هي الملاحظة؟؟
معظم الابحاث الى اتقدمت او بمعنى ادق معظم النباتات الى زمايلي اتكلموا عنها فيها مواد مضادة للسرطان او بتشفى من السرطان
سبحان الله بجد
ان ربنا عز وجل يكون خالقلنا نباتات فيها حاجات طبيعية بتمنع و بتشفى من المرض الى لحد دلوقتى مالوش علاج واضح
الابحاث الى انا حضرت مناقشتها معظمها ده لو مكنش كلها كان فيهم مواد مضادة للسرطان
ودي كانت الملحوظة
ازاى المرض ده بقى منتشر اوى كده بالرغم ان كل الحاجات الطبيعية دي بتمنع السرطان معظم النباتات دي كلنا بناكلها طبعا واحنا مش عارفين اهميتها
امال الناس بيجلها سرطان ازاى ؟؟
مش عارفه
مرض غريب و بشع و أكيد ابشع ما فيه نفسية المريض الى بيكون حاسس انه احتمال كبير يموت
حاجه من اتنين يا اما هيحاول يستمتع بحياته وايامه الى باقيه ويحارب المرض يا اما هيكتئب ويستسلم للمرض
والاتنين الاصعب من بعض الاول صعب لان مش اى حد يقدر يعمله والتانى صعب على الشخص نفسه وعلى الى حواليه كلهم
الموضوع ده كبير وهبقى استفيض فيه في مرات كتير تانيه
لانى كاتبه كذا حاجه عن المرض ده هبقى اكتبهم قريب ان شاء الله
يارب يعافى الناس كلهم من المرض ده و يشفيهم

كمان وكمان.......

نقطة مرارة كمان على مشروبي
دوبها يا ساقى حسب مطلوبي
طعم الحياة ..مش برضو فيها وفيها
ليالى وردى ونهارات خروبي؟؟

وعجبى

رسالة من روح ....

فجأة شعرت باننى ارى الناس ولا يرونى
اطلقت صرخه ألم املا في النجاه
ولكن لم يسمعها احد
تنزل دموعى ولايراها احد
اتحدث و اشكو و لا يسمعنى احد
اشتاق الى احبائي فلا اجدهم بجوارى
اصرخ منادية اسمائهم فلا يهرعون الى مساندتي
يزداد شوقى اليهم اكثر فأكثر ولا أجدهم
يمشون أمامي ولكنى لا استطيع التحدث معهم
لا يشعرون بما في داخلى
أتحدث ولا يسمعونى
اشعر بظلام حولى رغم رغم اضاءة المكان
بعدما صرخت ولم يسمعنى أحد
و بكيت ولم ير دموعى احد
سجنت بداخلى صرختى وترفض ان تنطلق لان كل الآذان المحيطة بها آذان صماء
وسجنت دمعتى في عيني وترفض ترك جفونى لان كل العيون كفيفه
كنت مستلقيه وعندما حاولت النهوض لم يستجب جسدي
كنت مغمضه عيني فلا ارى شىء وعندما فتحت عيني معتقده اننى سأرى النور الذى افتقدته ولكنى مازلت لا ارى
امامى ظلام..
فقط ظلام...
عندها ايقنت
اننى فارقت الحياه
فارقتها ولن اعود اليها

مادافعش ليه عن نفسه يوم ماندبح؟

عندما يكون الاختيار بين ان تظلم نفسك وان تظلم شخصا آخر
بالطبع ستختار الا تظلم نفسك وبالتالى ستظلم شخصا آخر و عندها لا يكون في يديك فعل اى شىء سوى ذلك
لا يصبح امامك خيار آخر
وعندها فقط تظلم ...
و اسوأ شعور هو ان تظلم انسانا
والاسوأ من ذلك ان ترى من ظلمت كل يوم
والشىء الذي يجعلك تتألم الا يحاول ان يسترد حقه منك
تود بداخلك لو انه يدخل في معركه معك حتى تريح ضميرك ولكنه لا يفعل
وليته فعل....
لانه ليس في وسعه سوى فعل شيئا واحدا
شيئ واحد يترك أثرا في نفسك اكبر من اية معركه
لا يفعل سوى القاء نظرة
نظرة تملؤها كل معانى الأسى والانكسار و اللوم
نظرة عندما تراها في عينيه لوددت ان يقتلك و يأخذ حقه منك والا ينظر هذه النظرة مرة اخرى.
قفزت الى ذهنى هذه الرباعيه

ولدى نصحتك لما صوتى اتنبح

ماتخافش من جنى ولا من شبح

وان هب فيك عفريت قتيل اسأله

مادافعش ليه عن نفسه يوم ماندبح؟؟

وعجبى
!!

و ظل يتردد في ذهني السطر الأخير
مادافعش ليه عن نفسه يوم ما ندبح؟؟
وتساءلت لماذا لا يدافع الانسان عن نفسه؟؟
لماذا يستسلم للظلم ؟؟
لماذا ولماذا ولماذا
متى سأجد اجابات عن اسئلتى؟؟
ها قد أضفت سؤالا الى قائمة اسئلتى اللا نهائية
سأحاول ان اتوقف عن القاء الاسئلة ولكن كيف وكل ما حولنا يستدعى التعجب والتساؤل!!